SEMJUM með betri hag BEGGJA AÐILA að markmiði það er hægt.

Það er ekki hægt að setja íslenska þjóðarbúið á hliðina því það er svo djúpt sokkið og situr fast á botninum.

Íslendingar er í góðri samningsaðstöðu, við erum þau sem þurfum að borga, samningsaðilar reyna að fá sem öruggasta greiðslu til baka. Það er ekki hægt að mjólka gelda kú.

Hollendingar eru viðskiptaþjóð, við erum rétt að byrja í alþjóða viðskiptum, reynsluleysi og kóngakomplex standa okkur fyrir þrifum, en það er ekki óviðráðanlegt. 

Þrátt fyrir allt eru Hollendingar, þ.e. almenningur mjög hliðhollur Íslendingum og finnst þjóðin eiga við sárt að binda, sem er ekki of stór orð um ástandið.

Hefur verið athugað að vinna með Hollendingum við greiðslu þessara skulda með t.d. að byggja upp bio iðnað á Íslandi þar sem reynsla Hollendinga í gróðurhúsarækt sem og þeirra sérhæfni í flutningi á blómum og grænmeti, sem er þeirra stærsta trygging í blómaræktinni, gæti orðið þeirra innlegg, við leggjum til landið og orkuna.  Metinn yrði eignahlutur og afrakstur fyrirtækisins sem myndi borga viðkomandi skuldir. Að óskoðuðu máli get ég ekki sagt fyrir um tíma og eða netto hagnað, en fyrirtæki sem krefjast orku getum við verið með í að setja upp með okkar lánardrottnum. Heiðarleg afborgunarleið sem kemur öllum til góða. 

Við viljum og verðum að standa við okkar skuldbindingar en við viljum ekki hengja almenning í landinu fyrir glæpastarfsemi sem nýtur meiri lögverndar en saklaus almennigur.

Þjóðarbúið ekki á hliðina vegna Icesave

Fjöregg þjóðarinnar Iceland Air

Mjög ánægjulegur og uppörfandi lestur. Með náinni samvinnu við Icelandair og fyrirtækja í landinu, munu þau atvinnutækifæri sem krefjast samgangs við önnur lönd geta velt björgum. Vegna legu landsins  heldur Icelandair á fjöreggi þess, sem eru samgöngur við önnur lönd.  

Í dag er ferðaiðanður stærsta atvinnutækifæri landsins og með því að beita kraftinum saman í þá átt í allri þeirri fjölbreytni sem hann hefur uppá að bjóða munum við skapa iðnað sem ekki krefst fjárfestinga í erlendri mynd en greiðist hins vegar í erlendri mynt.

Með náinni samvinnu  þjóðarinnar við Icelandair, Iceland Express og önnur fyrirtæki í samgöngugþjónustu sem byggist á sameiginlegum hagsmunum og nýtingu tækifæra sem ekki ganga nema með sameiginlegu átaki, þarf við ekki að kvíða framtíðinni.  Fjöldi fyrirtækja í ferðamálageiranum er að gera stórkostlega hluti og með því að hlúa hvert að öðru, bæta inn í flóruna er pláss fyrir enn fleiri. 

Við þurfum ekki nema pínu brot af heims ferðageiranum til þess að ísland blómstri.

Birkir, þú gefur okkur von um að Icelandair muni vinna með þjóðinni á grunni sameiginlegra hagsmuna, slík stefna er öllum farsæl og styrkir grunninn sem þjóðin byggir framtíð sína á. 

Bregðist við breyttum veruleika

Hvers vegna höfnuðu Írar Lissabon samningnum?

Írar eru einlægir Evrópusinnar en þeir höfnuðu Lissabon samningnum vegna þess að með því að samþykkja hann töldu þeir að sjálfstæði aðildaríkja ESB myndi glatast. Ég hef ekki lesið samninginn, en Írarnir segja að með samþykkt á honum verði ekki lengur hægt að halda þjóðaratkvæðagreiðslur um ákvarðanatökur stjórnar ESB, hún verði einráð. Getur það verið? 

Núna er kosningar í stjórn ESB.  Hér í Hollandi, og trúlega annars staðar, veit almenningur yfirhöfuð ekkert um hvað er verið að kjósa, hverjir koma til með að ráða lögum í Evrópu eða hvernig þeirra örlög ráðast innan ESB.  Minnir mig á hvernig Hitler komst til valda, fólk heimtaði breytingu og hann boðaði hana, það kostaði.

Því miður ríkir mjög mikil spilling innan ESB eins og alls staðar þar sem mannskepnan lendir í valdabaráttu, lobbyistar ráðnir af peningaöflum eru sterkasta ákvörðunaraflið.  Við eigum ekki aur.. og við erum fá, hvað verður um sjáfstæði Þjóðarinnar sem nú er verið að leita að.

Íslenski karakterinn er sjálfstæður og lætur illa að stjórn annarra, gæti verið að núverandi tengsl við ESB sé besta valið? Væri ekki gott ráð að skoða það sem vel fer innan ESB og tileinka okkur það, gott verksvit og virðingu hvert fyrir öðru.  

Hvað er ESB?  hvernig er því stjórnað?  

Almenningur verður að vita um hvað ESB snýst áður en lengra er haldið, bæði þeir sem leita eftir því sem og hinir. Það er eðlilegt að flestir leita sér ekki að nákvæmum upplýsingum í svona málum þar sem efnið er mjög flókið og mikið.  Ríkisstjórnin verður því að undirbúa kynningu þannig að fólk nái að átta sig á málefninu, einungis þá geta ábyrgir stjórnendur boðað til aðildaviðræðna.

Hvernig væri að fyrsta skref á Íslandi væri nákvæm kynning á hvað ESB er. Slík upplýsing yrði að fara fram á ýmsa vegu, sjónvarp, bæklingar, námskeið. Þegar almenningur veit um hvað málið snýst er fyrst hægt að taka næsta skref.   Með varkárum vinnubrögðum getur samviska ráðamanna verið hrein, eins og málin standa núna sýnist manni vera verið að redda einu sinni enn.

Óttast klofning í VG

Ísland sjálft er gjöfulasta tækifæri þjóðarinnar til farsældar

Enn og aftur kemur staðfesting á að Ísland sjálft er okkar dýrasta gersemi sem við eigum að beina okkur ýtrustu kröftum í að vinna með.   

Þar liggja endalaus tækifæri í margvíslegan ferðaiðnað sem hleður utan á sig þjónustufyrirtækjum í hvaða geira sem er.

Við  þurfum nauðsynlega fleiri neytendur til þess að geta haldið uppi alls kyns iðnaði á heimavelli. 

Með grósku á heimavelli eykst möguleiki til útflutnings, allt helst í hendur. 

Auknar leiðir  í ferðaiðnaði auka neytendafjölda - betri afrakstur í veitingahúsarekstri - aukin smávöruverslun - aukin menningarneysla, leikhús, bókmenntir, ráðstefnurrekstur,

eilsuiðnaður, sportiðnaður, byggingariðnaður, matvælaiðnaður, allt kallar á mannskap og vinnu. 

Þjóðlífið verður litskrúðugra og skemmtilegra

Ísland er besti prufumarkaður í heimi,í mörgum tilfellum sem gerendur vegna tæknikunnáttu og vinnuhraða, sem og sem neytendur þar sem fólkið er kröfuhart, ef varan selst á Íslandi stenst hún gæðakröfur Evrópumarkaðs.

Við verðum að vita hver við erum og hvert við viljum fara til þess er þjóðarnauðsyn að hafa opnar rökræður í sjónvarpi sem sýna fram á möguleika í atvinnurekstri, kynna hvað þegar er í gangi, kynna hvað gengur vel og hvað gengur miður. Finna áttir.

Við erum fámenn þjóð og til þess að ná árangri þurfum við að hafa fasta stefnumótun í atvinnurekstri algjörlega óháð sveiflum í pólitík.   Við verðum að vinna saman sem ein þjóð, ein þjóðarsál með öllum þeim mismunandi kröftum sem búa í landinu, það er aflið sem sterkast er og farsælast til framtíðar. 

Við búum á gullmola sem kannski er of nálægt okkur til þess að við skiljum dýrmæti hans og það öryggi sem það veitir þjóðinni ef hún áttar sig á hvernig á að vinna með hann.

Ímynd Íslands er sterk

Hagvöxtur getur hvorutvegga þýtt framför eða afturför

Hagvöxtur skapast við aukningu vinnu hvort sem það er við niðurrif eða uppbygging, orðið hagvöxtur hljómar vel i eyrum, sérlega þar sem þörf á vinnu er knýjandi, en getur verið stórhættuleg. Álver er skaðlegt landi og þjóð það vita allir en það kostar mannskap að skapa eyðilegginguna og þá kallast það hagvöxtur. 

Hamfarir í landinu munu geta skapað mikinn hagvöxt sérlega ef um mikla eyðileggingu verður að ræða því þá þarf heldur betur mannskap við björgunaraðgerðir, þó svo að peningaskáparnir sökkvi til botns.

Eru okkur allar bjargir bannaðar, erum við blind eða bara stórkostlega sködduð, erum við viðundur?

Við getum ekki kennt framtíðarhrakförum neinum öðrum en okkur sjálfum, berum gæfu til þess að taka yfirvegaðar  ákvarðanir.  Það er næga vinnu hægt að skapa í landinu ef upplýsingaflæði á þeim vettvangi verður skýrara og aðstoð við að grípa þau og nýta verða aðgengilegri.  Við erum ein ríkasta þjóð í heimi og vegna fámennis þurfum við ekki nema mjög lítið brot af heimsveltunni til þess að allir geti lifað flottu lífi.    

Það VERÐUR að gera fólki í landinu skýra grein fyrir hvað álvinnsla þýðir fyrir landið til langframa, almenningur getur ekki vitað það. Það verður að hætta að vera með skítkast í allar áttir vegna atvinnumála, það verður að hafa opnar rökræður og  skýrar upplýsingar til okkar allra hvað álpakkinn hefur að geyma.

Sýnið okkur hagfræðilega útreikninga á mismunandi atvinnukostum í landinu.  Álver hvar sem staðsett er í landinu er mál allra landsmanna.  Álvinnsla tengist í upphafi vinnslu í öðrum heimshlutum þar berum við líka ábyrgð, eymd, veikindi og dauði eru minnisvarðar súrálvinnslunnar og partur af ´framtíðar hagvexti´Íslands, skömm sé okkur. 

Spá hagvexti á næsta ári

Þið standið með báðum fótum á stærsta tekju tækifæri ykkar Suðurnesjamanna, álver eyðileggur það.

Við höfum öll séð óstjórn og vankunnáttu soga þjóðina niður á botn, nú á að grafa hana um alla framtíð.

Þessi sama vankunnátta og óstjórn ráðleggur álver sem atvinnutækifæralausn, þetta sama fólk er engu sterkara og ekki hefur það öðlast neinn aukaskammt af visku síðan það ýtti þjóðinni út á svellið. Ef þyrstum manni er rétt glas með 10dropum af vatni þyggur hann það, en ef hann mætti velja um þessa 10 dropa og glassins sem hann ekki sá en var fullt, hvort myndi hann velja?

Okkur er aðeins boðið uppá Álver önnur tækifæri eru ekki í boði, ef þessir stjórnaraðilar ekki vita um önnur tækifæri og sjá ekki gullið sem Ísland sjálft býr yfir,  ættu þeir að segja af sér og aldrei láta sjá sig aftur sem leiðtogar í þessu landi.

Einn örast vaxandi ferðaiðnaður í heimi er sport,heilsu- og menningar tourismi, við höfum allt sem laðar þennan hóp til Íslands. Við erum AÐEINS 300.000 manns, það er ekkert, við þurfum ekki einu sinni stórt fyrirtæki (á alheimsmælikvarða) til þess að allir hefðu það rúmlega gott.

Þið, Suðurnesjamenn,  búið á REYKJANESINU sem er frá ystu tá og alla leið til Þingvalla og allt um kring eitt áhugaverðasta náttúruundur í Evrópu.  Með því að bygga upp Eldfjallagarðana sem þjóðgarð með ævintýrasundlaugum (í dag er ekkert fyrir barnafólk í ferðamálageiranum) hellaferðir, langar dimmar nætur, bright night hikes,  long weekend hikes, gætuð þið séð öllum Íslendingum fyrir lífeyri. 

Hægt er að byggja upp rannsóknarmiðstöðvar, heilsuhæli, (obesity er að verða stærsta vandamál hins vestræna heims, okkar markhópur í meðferð, þarf ekki einu sinni skurðstofu, aðeins göngustíga) Notalegar afslöppunar stundir sem byggjast á okkar baðstofu arfleið, uppfærða í huggulegt umhverfi.  Gestrisni í algleymingi þar sem við gætum byggt upp alls kyns áhugaverð tækifæri þar sem okkar listafólk fengi að nýta krafta sína í söng og leiklist. 

Við erum ekki byrjuð að nota okkar stærsta atvinnutækifæri sem er Ísland, í augum umheimsins er landið fullt af ævintýrum og dulúð, landið sjálft er upplifun útaf fyrir sig og kostar okkur ekki erlendan gjaldmiðil, við eigum að stefna að verkefnum sem kemur inn með gjaldeyri. 

Ferðaiðnaðurinn byggist á innstreymi á fólki í landið, það þýðir skemmtilegra þjóðlíf, lifandi veitingahús (allt árið) og alls kyns þjónustuiðnaður  og matvælaframleiðsla fengi innspýting sem gæti breytt basli í búsæld.

Hættum þessu væli utan í risafyrirtæki sem gefa ekki sk.. í okkur þegar upp er staðið, ekki gefa jörðina undan fótum okkar allra og barnanna okkar.

Íslendingar geta fært fjöll þegar þeir vilja svo við hafa, gerum það saman.

Hundruð slógu skjaldborg um Helguvík

Framtíð landsins er ábyrgð landsmanna, ábyrgð krefst þekkingar, hvað er ESB fyrir okkur?

ESB er mun flóknara dæmi en svo að við getum bara sótt um og allt verður FLOTT og blessað, og til þess að þjóðin geti tekið heiðarlega, vitsmunalega afstöðu þarf að hafa námskeið og kynningar á hvað ESB er, hvaða áhættur við tökum og hvað er okkar hagur.

Blinda á atvinnutækfærin sem blasa við í þjóðfélaginu er fötlun sem ætti að vera næg ástæða fyrir þann sem af henni þjást að halda sig frá leiðtogastörfum.  Hvernig má vera að Samfylkingin leiði ekki landið sitt til dáða með úrvinnslu á eigin gæðum til eigin framdráttar.

Það er erfitt að hugsa um Samfylkinguna sem einn flokk þar sem sterkustu forsvarsmenn Íslenskrar náttúru fylkja þar liði á sama tíma og Fagra Íslandi hefur verið fórnað á altari einhverskonar reddingar, eða græðgi með Helguvíkur álveri.  

Ísland er eyland, en við erum partur af hinum stóra heimi, álvinnsla á Íslandi er partur af hringrás, hér er einungis smápartur hennar en við erum ábyrg á öllum pakkanum. Ákvörðun um að reisa álver í Helguvík á eftir að verða okkur dýrara en bankahrunið bæði peningalega sem og mannorðslega.

Því það er einskær dónaskapur við þjóðina að bera því við að Helguvíkurálver sé til bjargar atvinnulífsins. 

Það er spurning um hverju er fórnað fyrir hvað, Reykjanesskaginn, sem og allt Ísland,  býr yfir stórkostlegum tækifærum í ferðaiðnaðinum, stórkostlegt rannsóknarefni fyrir jarðfræðinga, frábærar leiðir til gönguferða, nokkur Blá Lagoon í viðbót. Reykjanesið eitt myndi geta veita hundruðum manns vinnu bæði beint og óbeint.  Uppbygging á þeim tækifærum sem Reykjanesið hefur yfir að búa kostar smápeninga miðað við það sem álverið á eftir að kosta okkur, og mun skila ómengaðri, hraðari, stoltari, skemmtilegri og skilvirkari tekjum í þjóðarbúið um alla framtíð.   

Hvort sem ESB verður framtíð landsins eða ekki, þarf núna, (hefði þurft fyrir langa longu) að þinga um atvinnumálastefnu landsins þannig að  landsmenn ákveði stefnuna, t.d. hvar virkjanir verða byggðar og í hvað þær nýtast.   Stefna í atvinnumálum skylid innsigla með lögum sem ekki breytast við stjórnarskipti, en ef um stefnubreytingu yrði að ræða færi það undir þjóðaratkvæði.  Þar á eftir koma sveitarfélögin og nýti sér þá möguleika sem verða til í eigin héraði. Með sameiginlegri landsstefnu koma sameiginleg markmið og samvinna í sömu átt í stað endalausrar togstreitu um hver á hvað og fyrir hvern, sbr. Bitruvirkjunar tillögur (guð forði) 

Ég hræðist Samfylkinguna vegna þess að hún er ekki SAM-fylking, segir eitt og gerir annað,

Sjálfstæðisflokkurinn virðist ekki vera skipaður heilsteyptum Sjálfstæðismönn, eins og þeir hafa sjálfir sagt, stefnan er fín en stýrimennirnir ekki.

VG eru heiðarlegir og stefnufastir, en þeir hafa ekki beytt sér fyrir grundvallarbreytingu sem nauðsynleg er til þess að byggja upp lýðræði í landinu, þ.e. ný stjórnarskrá.

Þjóðin verður að geta búið við lýðræðislegt öryggi, við verðum að fá nýja vandaða stjórnarskrá,

BORGARAHREYFINGIN sem einungis er skipuð fólki sem berst fyrir nýrri stjórnarskrá mun gera allt sem í þeirra valdi stendur til þess að lýðræðið taki við stjórn landsins.  Með lýðræðinu getum við sameiginlega tekið ákvarðanir varðandi framtíð landsins, atvinnumál, ál eða kál, ESB, evru, krónu, dollara eða yen. 

Heiðarleiki verður að vera grunnur framtíðar landsins, þá fyrst getum við flutt fjöll og leyst úr læðingi kraftinn sem býr í okkur, sameiginlegan kraft fyrir sameiginlega framtíð.

Trúi ekki að Samfylkingin láti stranda á ESB

Allir í frí í sumar, í haust, í vetur.. hver og einn getur

Helsta atvinnutækifæris tillaga Samfylkingar til Íslands, að pissa uppí vindinn?

Að vinna að aukinni mengun í heiminum er eins og að pissa uppí vindinn, það fýkur allt beint framan í okkur aftur, mun kaldara en það sem við létum frá okkur.

Viljum við fá far með mulimilljónafyrirtækjum þar sem íslensk stjórnvöld hafa ekkert atkvæði og sem getur hent okkur, sem þjóð, út a fullri ferð hvar sem er.  Þorum við að byggja framtíðina upp á alþjóða fyrirtækjum sem einungis eru rekin i eigin hagnaðarskyni án nokkurs tillits til nátturu og mannlífs. íslendingar  fá  engu ráðið hvernig  eignaskipti á viðkomandi fyrirtækjum kemur til með að þróast. Í dag er Alcoa eign hins alræmda RIO TINTO (Kandískt fyrirtæki)  á morgun hgusanlega í eigu Kínverja, eða Rússa,  hver veit? Íslensk stjórnvöld verða örugglega ekki með í ráðum varðandi framtíðarrekstur þessara fyrirtækja, hvorki hvad varðar vinnuafl eða samninga.  Ísland er ekki miðja alheimsins þrátt fyrir að okkur finnist það flestum

Með því að selja/gefa orkuna til erlendra risafyrirtækja erum við að stofna sjálfstæði landsins, í bráða hættu,

Sjálfstæði Íslands­?   Það var mikið og hart barist við að fyrir sjálfstæði Íslands, og okkur finnst í dag það vera sjálfsagður hlutur. En það er með það eins og skíðabrekkurnar (fyrir lyftur)  lengi upp og fljótur niður,  ef við verðum undir í baráttu við þessi alþjóðafyrirtæki sem við höfum fagnandi gefið orku landins myndi það varla ná athygli heimspressunnar, nema hugsanlega í einn dag.

´Be aware if you dare´ sjáið DRAUMALANDIÐ fyrir kosningar

 

Hvað er í gangi, hver er skýring lögreglu

Það er nauðsynlegt að skýring frá lögreglu á þeirra viðbjóðslegu framkomu og vanvirðingu lögvalds í landinu gagnvart þjóðinni allri.  Það er varla nokkur maður sem getur séð ástæðu fyrir þessari hrottalegu aðför. 

Það er mikilvægt að vita hvers konar mannskapur það er sem skilur eftir sig svona slæmt ör í þjóðarsálinni.

Hver ´á´þetta hús? Er eignarhald viðkomandi tilkomið á eðlilegan hátt eða er þetta hugsanleg eigna tilfæring í svindlsúpunni? Það er einstaklega vond lykt af þessu máli.  Það er komið nóg af andstyggð upp á yfirborðið,  þessi verknaður framinn af lögreglunni okkar sem við treystum fyrir öryggi okkar og barnanna okkar er eins og spark í magann.

Hver gaf lögreglu fyrirmæli um þessa skæruliða framkomu eða eru þetta ´eðlileg´ vinnubrögð, viðbrögð lærð í sérsveitardeildum lögreglunnar og er þetta framkoma sem við eigum eftir að sjá meira af og venjast í framtíðinni.

Fékk hland fyrir hjartað