Stjórnmál eru stýrikerfi samfélagsins, það er ekkert sem heitir stjórnmál OG samfélag.

Hvernig má vera að málefni sem hafa svo beinar  afleiðingar á afkomu fólks í landinu geti verið haldið leyndu og á sama tíma er viðkomandi fórnarlamb skylt að borga afleiðingar gjörningsins án þess að fá að vita hvernig hann er til kominn.  þessu er að sjálfsögðu hægt að breyta, en verður það gert?´Tíminn mun leiða það í ljós. 

Fær Eva Joly aðang að þessum skjölum ef hún færi fram á það?

Fá ekki gögn um yfirtöku Glitnis

Vitrir menn skipta um skoðun. Heimskir menn aldrei.

Borgarahreyfingin lofaði HEIÐARLEIKA og að verða ekki FLOKKSÞRÆLAR. heiðarlegt fólk skiptir um skoðun ef aðstæður svo segja til, heimskir menn skipta aldrei um skoðun.

Við verðum að geta treyst því að Borgarahreyfingin fari eftir sannfæringu sinni, það er betra að skipta um skoðun ef það er sannfæring viðkomandi heldur en að sitja fast á sínu andstætt sannfæringu. 

Þeir sem annars eru sinnis eiga að ganga í aðra flokka það sem heiðarleiki spilar ekki stóra rullu.

„Bregðast trausti kjósenda"

Blindur leiðir haltan, EKKI TÍMABÆRT AÐ KJÓSA NÚ, FYRST ÍTARLEG KYNNING, EKKERT ÞJÓFSTART Í ÞETTA SINN.

Hvað er eiginlega í gangi.  Það er glæpur gagnvart lýðveldi landsins að bjóða kosningu á málefni sem skiptir sköpum fyrir þjóðina án þess að hafa til hins ítrasta kynnt málefnið þjóðinni.  Það er ekki hægt að fá bílpróf án þess að fara í tíma og ná prófi.  Innganga í ESB er að mínu mati mun afdrifaríkara málefni en bílpróf.

Hvernig væri að kynna ESB fyrir þjóðinni, á þann hátt að sem flestir kynnist og kynni sér um hvað ESB snýst, þar eru meðtaldöldir þingmenn, sem margir hverjir vita mjög takmarkað hvað ESB þýðir fyrir þjóðina, og eða fyrir þau lönd sem í ESB eru. Slík kynning verður að fara fram  í sjónvarpi, ekki einn umræðuþáttur heldur eins margir og verða að vera til þess að málin verði krufin, fá sérfræðinga til þess að kynna og sitja fyrir svörum.  Hvað er ESB frá A til Z, hver er framtíðarstefna ESB, hvaða hagsmunir eru fyrir þjóðina að ganga í ESB, hvaða gallar?

FYRR EN AÐ ÞESSU LOKNU ER EKKI TÍMABÆRT AÐ KJÓSA EITT EÐA NEITT.

Klækjabrögð eða nauðsyn?

Hvernig leyfið þið ykkur?

Hver svo sem endanleg ákvörðun verður um ESB þá er LÁGMARKSKRAFA að ríkisstjórnin kynni sér og öðrum þegnum landsins ýtarlega hvað ESB er, ekki á blogginu, ekki í blaðagreinum í beinum viðræðum á skipulagðan hátt, hvað hangir á spítunni og hvað kemur þjóðinni til góða. 

Skömm sé ykkur, þið eruð ekki trausti þjóðarinnar verð, og þú Guðfríður Lilja, þú líka, er engum að treysta?

ESB færir margt mjög gott en það hanga alls kyns hlutir á spítunni sem fólk almennt veit ekki, og líklegast þið í ríkisstjórninni ekki heldur.

í ESB er ALLT metið í gróða, hvað skilar sér fyrst í kassann,, einkenni þjóða og landshluta þurrkuð út, verið er að huga að sameiginlegum Evrópuher, hugsanlega viljum við þetta allt saman, en hugsanlega ekki.

Almennur fyrirvari

Úlfur, úlfur...Magma Energy Magma Metal

Jóna og og Petrína, takk fyrir að standa vaktina fyrir okkur hin. 

Hver eru tengsl Magma Energy, Magma Metal og Rio Tinto? allt eru þetta Kanadísk fyrirtæki, hætta framundan. 

Með ódýrri orku á Íslandi, samanþjöppun í áliðnaði  er nokkuð ljóst að rekstrarhagræðing innan áliðnaðarins gæti þýtt tilfærsla frá öðrum heimshlutum til Íslands, sala orkunnar til Magma gæti verið undirbúningur í þá átt.  

Með því að selja erlendum fyrirtækjum orkuna okkar missum við algjörlega tökin því miður. Við höfum ekki bolmagn til þess að kljást við þessi stórfyrirtæki það er deginum ljósara. 

Grindavík, við leggjum allt okkar traust á ykkur.   Verndum atvinnutækifæri Íslands til bjartari framtíðar en nú virðist vera framundan.

Kæfum græðgisveiruna og byggjum upp heilbrigði og farsæld.

Óska upplýsinga um eignarhald

Grindavíkingar mega vera stoltir

Takk Grindavík, fyrir að standa vörð um framtíð Íslands.Tökum höndum saman og byggjum upp stórkostleg atvinnutækifæri í og í kringum Grindavík, takk fyrir að varðveita landið til þess að vernda framtíðarmöguleika sem landið bíður uppá.

Þolinmæði þrautir vinnur allar, það er bjart framundan svo framarlega við rötum á ljósið.

Grindavík fer í hart

Fjoreggid brotid? fólk á flótta undan efnahaglegu ofbeldi

Icesave mun ekki setja landid á hlidina-ekkert B-plan naudsynlegt segja landshofdingjarnir, skömm sé ykkur.   Icesave er hluti af heildarpakkanum en getur ekki sett landið á hliðina þar sem það er rammfast á botninum og sekkur bara dýpra.

IMF og ESB reka landid engar áhyggjur, bara borga. 

HVAR ER HEILDAR EFNAHAGS MYNDIN? Himinháir vextir, hækkaðir skattar, niðurskurður í þjónustugreinum - allt í sömu átt efnahagslegt ofbeldi.  Hvar eru lausnirnar? Hvar er uppbygging atvinnuvega?  Hvar er hvatningarátakið?  Hvar eru miskabætur fyrir almenning í landinu?

mbl.i30.06.09

Lánshæfismat Landsvirkjunar er fallið í ruslflokk (junk bonds).  Landsvirkjun skuldar um 400 milljarða króna og þarf að endurfjármagna 25 milljarða fyrir lok næsta árs. Með lækkuðu lánshæfismati Landsvirkjunar hefur skapast aukin hætta á að lánshæfismat ríkissjóðs falli í sama flokk, sem myndi marka opinbert gjaldþrot ríkissjóð og íslensku þjóðarinnar.

  Það fór lítið fyrir helstu frétt dagsins á fréttastofum landsins, en mest var hún áberandi í ræðustól Alþingis þar sem Sigmundur Davíð Gunnlaugsson, formaður Framsóknarflokksins gerði lækkað lánshæfismat Landsvirkjunar að umtalsefni. Samkvæmt lánshæfismati Standaard & Poor lækkar lánshæfi á erlendum skuldbindingum úr BBB mínus í BB, en lánshæfi á innlendum skuldbindingum fellur úr BBB plús niður BBB mínus.

Hér með er fjöregg þjóðarinnar fallið í svokallaðan rusl flokk (junk bonds) og er líklegt að fallið muni hafa afdrifaríkar afleiðingar fyrir íslenska ríkið og heimili í landinu. Sigmundur Davíð og Pétur Blöndal hafa varað við þessu falli, og tengja það ríkisábyrgðinni á Icesave-skuldbindingunum. Í morgunþætti Bylgjunnar 11. júní varaði Pétur við alvarlegum afleiðingum þess að lánshæfismat Landsvirkjunar félli í ruslflokk, því hugsanlega yrðu þá lán Landsvirkjunar gjaldfelld og skuldabréf seld.

AGS vill ekki stýrivaxtalækkun

Uppbygging innanfrá, semjum lægri vexti

Robert Z. Aliber fyrrveradni prófessor við Chicago-háskóla benti á í viðtali við mbl 13.11.2008 að ákveðin lausn fælist í að afþakka lán frá IMF og byggja upp atvinnuvegina í landinu þar sem  krónan væri hagstæð útflutningi og uppbyggingar innan frá.   Þetta er staðreynd, núna er TÆKIFÆRIÐ til þess að byggja upp innan frá, en í stað þess að grípa það tækifæri er nú verið, þó svo að það sé örugglega ekki tilgangur eins eða neins,  að hneppa þjóðina í fjötra sem hreinlega lama athafnagleði og sköpunarþrá því þessir fjötrar eru byggðir á óréttlæti og valda vonleysi þar sem fólk sér ekki sinn hag batna eða fyrir endann á baráttunni.

Með sterkri bjartsýnni atvinnustefnu sem byggist á því sem landið býr yfir í dag, þ.e. kyngimagnaðri náttúru og þjóð sem getur fært fjöll með ásetningi einum saman.  Með samvinnu við þau fjölmörgu fyrirtæki sem eru að skapa atvinnutækifæri í dag, en eru heft vegna fyrirgreiðsluleysis, það mætti til dæmis kynna þessi fyrirtæki fyrir landsmönnum, nefni hér með t.d. CAOZ sem var að selja Thor til fjölda landa, er stutt við þetta fyrirtæki?

Það er ótrúlegur fjöldi fyrirtækja í landinu sem almenningur er ekki var við sem eru að gera góða hluti og gætu gert enn betur ef atvinnumálastefna ríkisins væri þeim í hag.  Þarna liggja ótal tækifæri til uppbyggingar.  

Ríkisstjórnin VERÐUR að vera vakandi yfir þeim tækifærum sem liggja kyrr og/eða eru að strögla hlúa að og búa til gróðurveg til vinnslu úr þeim tækifærum sem eru fyrir hendi. 

Hvati og möguleiki til framkvæmda kemur ekki með einum eða tveimur sjóðum til þess að leita í, þar sem einungis örfáir njóta og flestir fá aðeins fyrir einum sokk þó tveir séu takmarkið, þessi eini sokkur nýtist ekki, eða allavega illa, það er augljóst, en þannig er staðan í dag í flestum tilfellum.

Þessvega VERÐUR AÐ MYNDA HEILBRIGÐA ATVINNUMÁLASTEFNU sem vinnur með fólki. 

Oftar en ekki eru fjármagn einungis einn hluti (mjög mikilvægur) af möguleikum til framkvæmda en  það þarf að byggja upp almenna atvinnumálastefnu sem virkar í gegnum t.d. bankana með viðskiptaráðgjöf og aðhaldi í peningamálum sem oft er meira virði en peningar sem lánaðir eru í rekstur. 

Ríkið þarf og verður að hafa frumkvæið í að tengja saman kraftana í landinu öllu, setja markmið og stefna í sömu átt án þess að gera það sama, byggja upp heilbrigða atvinnustefnu þannig að vinna landsmanna skili þeim sjálfum arði sem og þjóðarbúinu.   

Sameinuð stöndum við sundruð föllum við.  Þjóðin verður ekki sameinuð með ánauðarsamningum, þó svo að hún samþykki að axla þær ábyrgðir sem á henni hvíla, en það verður að gerast á ábyrgari og mýkri hátt en nú er boðið uppá.  

Ég leyfi mér að halda því fram að ef Íslendingar leggja fram sterka vel útfærða atvinnumálastefnu

sem sýnir fram á hvernig unnið verður gegnum núverandi erfiðleika, og hvernig mætt verði áhvílandi ábyrgðum, munum við öðlast virðingu og samvinnuþýðni annarra landa og munum komast á réttan kjöl á mun skemmri tíma en að leysa vandamál með öðru vandamáli þar sem við höfum ekki hugmynd um hvernig kemur til með að spilast út.  ´

  

Þungar byrðar á ríkinu

Er tiltektin í Líffeyrissjóðunum afstaðin?

Það hefur orðið mönnum mjög ljóst á undanförnum mánuðum að ofureyðsla og peningasukk sé víða í stjórn margra Lífeyrissjóða í landinu.  Er ekki fyrsta skref að taka þar til og gera hreint fyrir dyrum.

Er ekki tími kominn til að hagræðing í rekstri lífeyrissjóða verði tekin til umræðu og nýtt skipulag innleitt þar sem lífeyrissjóðum yrði fækkað eða allavega sameiginlegt rekstrarform sem mun minnka allan kostað við heildarrekstur lífeyrissjóðanna. Sparnaður þar gæti stutt heilbrigðisgeirann þannig að niðurskurður þar yrði minnkaður.

Leggjum flottræfilsháttinn niður og tökum upp mannvirðingarháttinn, það er betur við hæfi.

Eigum við ekki að skoða heildarmyndina og samtengingar lífeyrissjóða við heilbrigðiskerfið og sjá til þess að þeir sem á þurfa að halda fái þá þjónustu og umhyggju sem þeir eiga skilið. 

Er sú uppröðun verkefna sem nú er verið að huga að sú sem best kemur út í heildarstefnu atvinnuuppbyggingar landsins.  Áður en lengra er haldið, hvernig lítur heildarstefnan út, hvert er verið að fara?  til þess að við, bjartsýnir Íslendingar getum lagt hönd á plóginn er þetta grundvallaratriði, HVERT Á AРHALDA?

Setja 100 milljarða í framkvæmdir

Ákvörðun án þekkingar er ábyrgðarleysi og HEIMska

Fyrsta skref í áttina að þroskaðri ákvörunartöku er þekking á viðkomandi verkefni, kosning án kunnáttu er eins og að fljúga án flugnáms eins og við virðumst reyndar hafa gert undanfarin ár. 

Til þess að hægt sé að taka ákvörðun um inngöngu í ESB hvort sem sú ákvörðun verður tekin með eða án þjóðaratkvæðagreiðslu VERÐUR að skipuleggja gagngera kynningu og krítiska umræðu um allt sem að ESB kemur.

Slík kynning verður að fara fram í sjónvarpi, ekki í klukkutíma spjallþætti eða kastljósi, bæklingum (sem fæstir lesa) heldur sérfræðileg áhugaverð spennandi kynning, síðan umræður, kappræður,  spurningar og svör.  Aðgangur að sérfræðingum í gegnum netið þar sem fólk getur sett fram spurningar og fengið svör.  Þingmenn okkar ágæta lands verða að kynna sér málið í smáatriðum, þeirra kunnátta er að flestum líkindum á svipuðu stigi og þekking almennings á ESB, undan og ofan, og ákvörðun fer eftir flokksforystunni.  

Þekkingarleysi og feluleikur þess er stærsta hættan sem framundan er ef ákvörðun er tekin áður en fyrsta ferli er lokið, þ.e. þekkingarferlinu.

Ábyrðarleysi Jóhönnu og Samfylkingarinnar, sem og allra þeirra sem láta sér detta í hug að ganga til kosninga á þessu stigi er samnefnari fyrir það ábyrgðarleysi sem einkennt hefur flestar ákvörðunartökur ríkisstjórna landins fram til þessa dags. 

Það er engin skipulögð þekkingarmiðlun sem ekki er í flokkslitum eða heft í klíkuböndum.  Ríkissjónvarpinu verður að vera gefið það fresli að vinna án afskipta ríkisstjórnar, vera gefið það frelsi að vinna fagmannlega og þjóna þeim tilgangi sem því er ætlað, að halda vörð um frelsi og framfarir Íslands og Íslendinga. 

Fyrsta mál á dagskrá ´háttvirtrar´ríkisstjórnar er að kynna sér og öðrum um hvað ESB snýst og hvaða skuldbindingar við erum að taka á okkur og hvaða hagsmunir eru þar til bóta.

ESB er skuldbinding sem ekki er aftur snúið með.

Icesave: Það er alltaf verið að segja þjóðinni að hún sé í slæmum málum, það er rétt, en Ísland er í mjög sterkri samningsstöðu að mínu mati og margra annarra, við erum aðilinn sem á að borga, mótaðilinn verður að sætta sig við það sem hægt er að gera, lengra verður ekki farið. Við verðum að semja og standa við okkar, að semja á þann hátt sem nú er gert er hægfara dauðastríð stoltrar þjóðar.  Við eigum allt til þess, samningar við okkar samningsaðila eiga að vera bindast við samvinnu og afrakstur þess, ekki við að halda einni þjóð í kafi þar til hún kafnar. 

IMF segir að Icesave fari ekki með okkur á hliðina, trúlega rétt, en ástæðan er sú að við erum föst í botninum og þaðan verður okkur ekki haggað nema við sjálf leysum botnvörpuna.  Við viljum upp á yfirborðið aftur, ekkert annað er okkur samboðið.  Við getum.  Íslenskur kraftur er ofurkraftur.

Skoðið okkur öllum til fyrirmyndar hvað Súgfirðingar eru að gera í sínum bæ, þar leggjast allir á eitt að lagfæra hús og byggja upp, bretta upp ermar og taka saman til höndum, hattur ofan fyrir þeim. 

ESB-tillagan birt