Við viljum færa ákvörðunarvald til ESB til þess að komast úr spillingafjötrunum, EN, hverjir verða fulltrúar Íslands í Brussel?

Gerum okkur grein fyrir því að með því að ganga í ESB erum við að margfalda okkar vandamál..  Að mínu mati er innganga í ESB ekki lausn heldur tilfærsla sem á eftir að valda okkur margfaldri byrði og svifta okkur síðan algjörlega lýðveldinu, við munum kjósa það frá okkur.

Athugið að talsmenn þjóðarinnar verða politíkusarnir sem við erum að berjast við í dag, þokkalegt það.

 Þjóðin mun ALGJÖRLEGA  verða sambandslaus við endanlegt ákvörðunarvald í eigin málum. Sambandsleysið við yfirvöldin í dag verða sælutímar í minningunni miðað við það sem verður eftir inngöngu í ESB.  Nógu erfitt er þetta eins og er og við getum talað við okkar ráðamenn, og við GETUM stýrt okkar málum ef við ætlum okkur það, þar er vandamálið, af hverju gerum við það ekki? Núna er það hægt.  Við höfum ekki verið hreinskiptin og ekki beitt okkur í jákvæða átt við höfum ekki beitt okkur hvert fyrir annað heldur hvert á móti öðru, breytum því.

Þjóðarsálin verður ekkert heilbrigðari við að fara í ESB, og vandamálin verða ekki minni, þau verða einungis gjörsamlega óviðráðanleg og óafturkallanleg og við verðum að kyngja hverju sem að okkur verður rétt og þegja. 

Ímyndið ykkur stöðuna, við verðum ósátt við mikilvæga ákvörðun forseta ESB... og hvað?  Lissabon sáttmálinn gekk frá því, við hefðum ekki einu sinni atkvæðisrétt. 

Við eigum að beita okkur fyrir samvinnu við öll Evrópuríki á sem farsælastan hátt, en sú farsæld verður að byggjast fyrst og fremst á farsæld Íslands.

Ekki  láta telja okkur trú um að við eigum ekki verðmæti til þess að vinna okkur sjálfstætt frá þessu efnahagsástandi sem stjórnendur landsins hafa komið okkur í  (þeir sömu og við ætlum nú að verði okkar talsmenn við ESB) er algjörlega fáranlegt.

Við höfum RÍKIDÆMI sem er algjörlega einstakt, vinnum saman úr því. Fáum verktakana í jákvæðar framkvæmdir með þjóðinni.

Veljum botninn til þess að byggja okkar framtíð á byggja frá okkar eigin grunni, blönk og lánalaus,  en stolt og ráðagóð. 

Neitum öll sem eitt að láta bera fólk sem hefur orðið fyrir barðinu á svindli og svikum ut úr húsunum sínum.  Lögfræðingar eiga ekki að taka að sér þessi verk, ef  SS hefði ekki verið mannað hefði seinni heimsstyrjöldin orðið með öðru sniði. Lögreglan eða hverjir svo sem bera fólk út, taka það verk ekki að sér, bankastjórarnir geta sjáfir mætt og framkvæmt útburðinn sjálfir ef þeim finnst það vera réttlætanlegt.   

Ríkið verður að taka á sig svindbólguna sem er að gera útaf við fólk, ríkið var sjúkdómsvaldurinn og smitberinn, nú verður að kalla það til ábyrgðar. 

 

Athugasemdir

[Gunnlaugur I., 11.12.2009 kl. 18:58]

Flott grein hjá þér.

Algerlega sammála þér. Sjálfur bý ég nú í ESB léninu Spáni þar sem allt logar í spillingu samtvinnuðu við embættisvaldið, stjórnmálavaldið og viðskiptavaldið. ESB apparatið er bar hjúpur fyrir þetta lið til þess að halda spillingunni betur faldri í skjóli tilskipana og reglufargans !

[Gerður Pálma, 12.12.2009 kl. 18:36]

Þetta er svo augljóst, fólk heldur að spillingin á Íslandi hreinsist út með inngöngu í ESB, en hún verður einungis illviðráðanlegri.  Nú höfum við tækifæri því við getum sett hönd á stýri. Íslensku karaktereinkennin hverfa þegar við lendum í færibandi ESB reglanna sem við höfum ekkert um að segja. Hræðir mig.

Takk fyrir innleggið.