Bréf til alþingismanns-manna 2006 - engin viðbrögð enn.... en nú er færið

 Virðulegi....

Eins og þú kannski veist þá er ég enn búsett og starfandi í Hollandi í eigin fyrirtæki Copyrite b.v.. Copyrite er framleiðandi viðskiptahugmynda og ráðgjafi við hönnun og útfærslu viðkomandi verkefna. Verkefni eru unnin undir mismunandi verkheitum og/eða merkjum sem eru í flestum tilfellum eign viðskiptavina.   Ísland er að okkar mati uppspretta einstakra  atvinnu tækifæra sem ekki hafa enn verið nýtt eða útfærð. 

Í ljósi atvinnustefnu stjórnvalda á Íslandi í dag sem virðist þrífsast vegna  skorts til að skynja og skilja hvar auður landsins liggur hvað varðar  atvinnusköpun og framtíðar arðsemi efnahagslífs landsins.  

 Alheimur er að vakna til meðvitundar um á hversu háskalegalegu stigi mengun jarðar er í dag, David Attenborough er með þætti á BBC1 ´Climate Chaos´ sem bendir á að mannskepnan  er á ystu nöf við að eyða lífi á þessari plánetu.  Á sama tíma gerir Ísland sem þekkt er fyrir nátturuundur og hreinleika að sýnu stefnumarki að stuðla að öruggri framleiðslu mengunar um alla framtíð, ekki munum við einungis eyðileggja möpuleika landsins til þess að byggja upp ferðaiðnaðinn heldur munum við eyðileggja mannorð okkar og standa í stríði við aðrar þjóðir sem eru að átta sig á alvöru og afleiðingu mengunar í heiminum. Álbræðsla á Íslandi á ekki að vera til umræðu sem atvinnu möguleiki, auður landsins og stöðugleiki efnahagslífsins byggist á að nýta okkar stórkostlegu nátturu sem ramma utan um ævintýri og exotic tourisma, sem og orku í ´grænan´iðnað..Ráðamenn landsins verða að snúa úr skammsýnis EGO í  framtíðar ECO, ego stefna nær ekki mikið lengra en velferð fárra í stuttan tíma, short term profit í stað long term benefit.  Tímar hafa gjörbreytst á mjög stuttum tíma og tækifæri til atvinnusköpunar allt önnur en fyrir aðeins 10 árum síðan eins og þið vitið manna best. Fólkið í landinu vinnur mikið og hefur ekki umfram orku til að standa í stórræðum vegna eins eða neins og sérlega vegna vonleysis um að árangur mótmæla eða hugmynda náist hvort eð er. Til þess að snúa blaðinu við þarf að skapa og  sýna raunhæf atvinnutækifæri höfðar til fólksins í landinu, eitt tækifæri er uppspretta fleiri.  Við sem þjóð munum tapa okkur stolti ef við byggjum upp lágalaunaland og lástéttaþjóðfélag sem er gjörsamlega ástæðulaust því tækifærin liggja á lausu allt í kringum okkur.Nátturuverndarsjónarmið án arðsemisstefnu er ekki raunhæf til árangurs, því verður að kynna tækifæri sem fólk getur skilið og hent reiður á.  

Stórkostlegustu auðæfi Íslands liggja í náttúru landsins og  krafti fólksins til framkvæmda, þá þeir vita hvert haldið skal.   

 Tíminn er naumur, og til þess að ná árangri við sett markmið þarf þungaviktarlið atvinnulífins að mynda forystusveit til þess að breyta lagkúru stefnunni yfir i arðbær stolt atvinnutækifæri öllum landsmönnum til góða.  

Við viljum skora á þungaviktarlið efnahags- og atvinnulífs í landinu að takast á við í uppbyggingu í fjölbreyttri atvinnuflóru landsins,  til þess þarf áhuga og stuðning fjölmiðla.

Við munum fá til liðs við okkur heimsfræga lista- og visindamenn, sterka fjárfesta með yfirlýstan áhuga á þáttöku í verkefninu.  

 Hlakka til að heyra frá þér,  Kær kveðja  Gerður  Hugvirkjun/Hot Iceland ehf. Gerður Pálmadóttir  Polonceaukade 10NL 1014 DA Amsterdam   

Íslands hreina orka notuð til eyðileggingar

Álvinnsla er ein mengaðasta hráefnisvinnsla í heimi, af því að byrjunin er ekki okkur sýnileg tökum við fullan þátt í viðbjóðnum þó að við vitum flest að við súrálvinnslu skapast hroðaleg mengun. Súrálið steypist eins og rautt hraun svo langt sem augað eigir frá námunum sjálfum, ár og vötn eru svo menguð að ekki má baða sig í þeim, drykkjarvatn mengað og skilur fólkið eftir sjúkt og örvinglað, ef við teljum erfitt að koma okkar málum til skila og fá athygli, þá hefur þetta fólk ekki nokkurn sjens, öllum er sama um þeirra örlög.  

Ekki skiptir það okkur máli, við erum að vinna með hreina orku og þar af leiðandi hreina samvisku, við erum eyland, restin af heiminum snertir okkur ekki.  

Íslendingar eru að selja sálu sína fyrir ímyndunarpeninga, því aðra peninga virðumst við ekki þekkja. Allir vita útkomu álvera fyrir Íslenskan efnahag, allt í mínus.  Þrátt fyrir þessa vitneskju er Samfylkingin með Össur í broddi fylkingar að kynna Helguvíkurálver sem atvinnulausn fyrir Ísland. Þetta er algjörlega óábyrgt og stefnir landinu í algjört óefni og mun verða okkur mun skaðvænlegra í framtíðinni en bankahrunið er í dag.

RIO TINTO eitt illræmasta mannréttindabrota- og mengunarfyrirtæki heims er að íhuga kaup á hlut OR í Hitaveitu Suðurnesja. RIO TINTO hefur yfirburði í reynsluheimi spillingar og valdnýðslu, við erum algjörir viðvaningar og lítið mál að vefja okkur upp í þeim málum. Ekki gefa það færi.

Mínar hugleiðingar:  Um leið og við seljum slíkum fyrirtækjum hlut í orkubúum Íslands er sjálfstæði landsins farið fyrir fullt og allt, hvað svo sem eftir er af því. Líkur eru á að nú þegar hafi samningar um þessa sölu verið teknir, því Helguvíkurmálið er því beintengt.  Allar líkur benda til þess að RIO TINTO muni fjármagna Helguvíkurframkvæmdirnar og/eða stækkun Straumsvíkur, og fái þar á móti hlut í HS á góðu verði og geti þar eftir haft mikil áhrif á orkuverð í landinu. Álverð er fallandi um heim allan og verður að endurskipuleggja alla framleiðslu, Ísland er sérlega gjafmilt á orku, hvergi ódýrari, og því tilvalið að focusa á Ísland sem álvinnsluland.  Við eigum völ á Gráa eða Græna framtíð, hvort viljum við?

Álver er skjótvirkasta blekkingin sem hægt er að bera á borð fyrir Íslendinga sem lausn atvinnumála, almenningur trúir að þarna komi atvinnutækifæri sem bjargi þjóðinni, þó svo að Álver stangist gjörsamlega á við framtíðarsýn og sjálfstæði landsmanna.

Ferðamálageirinn, Græn orka og Græn atvinnutækifæri eru mun gjöfulli arðsemi til landsins.

HEIMSKA og viðvaningsháttur stjórna nú aðgerðum.

Það er svo margt í deiglunni, svo ótal margt skemmtilegt, framsækið og flott fyrir stolt og sjálfstæði þessarar þjóðar, ekki láta undan Álþrýstingi á móti alþjóðlegri stefnu í mengunarmálum og gegn fjárhagslegu sjálfstæði þjóðarinnar.

 

 

Jörðin hlýnar hratt

Ísland - brothætt hlunnindi

Klíkuvinafélagið, sannleikshræðslan og vinabæjargreiðarnir eins og þeim hefur verið beitt fram til þessa verða að tilheyra fortíðinni ef við ætlum að eiga von um framtíð á Íslandi.

Hins vegar er nálægð samfélagsins hvert við annað, vitneskja um getu og kunnáttu hvors annars órjúfanlegur partur af Íslensku þjóðfélagi og jafnvel hinn sterkasti, en það krefst mjög sterkrar siðgæðisvitundar að kunna að fara með svo brothætt hlunnindi.  Þessvegna verðum við að byggja varnarkerfi sem og stuðningskerfi við þessi hlunnindi smáþjóðar sem við getum nýtt okkur til skjótra vinnubragða og upprisu æru.

Það verður að skilja á milli ´stjórnar´landsins þ.e. ráðherrastjórnarinnar og þingmanna sem eru rödd þjóðarinnar og koma skilaboðum hennar áfram til framkvæmdavaldsins.

Eins og kerfið er núna, kjósa þingmenn sjálfa sig og eða forystumenn flokkana í ráðherrastóla  þannig að ákvörðunartaka viðkomandi ráðamanna byggist á flokksvaldi en ekki á viðleitni til þess að vernda og greiða veg til velferðar þjóðarinnar. 

Það hræðir mig nú að sjá ekki megin áherslu flokkanna lagða á að efna til stjórnlagaþings um nýja stjórnarskrá, sem grundvöll að raunhæfri breytingu sem framtíð landsins byggist á,  endurreisn lýðveldis Íslands, sjálfsvirðingu og sjálfstæðis.

Ef ekki verður um slíka breytingu að ræða, þá mun klíkusforskriftin halda óbreytt áfram, ekki endilega af illvilja eða fyrirfram hugsuðum áformum heldur eðlilegum þætti mannlegs eðlis, við öll viljum og reynum að styðja okkar nánustu og eða vini til betra lífs og kjara. Þessvegna verður að vera reglukerfi sem varðar ákvörðunartökur og verndar hvorutveggja þann sem situr í stjórnarsæti sem og þegna þessa lands.

Ef ekki er von um breytingu heldur vissa um sama hjólfarið bara dýpra og dýpra mun verða mikill landsflótti, hinsvegar ef um sett takmark verður að ræða sem þjóðin sér að forystumenn einlæglega vilja vera samstíga með að ná er þrek og baráttuvilji Íslendinga ótakmarkaður.