Íslands hreina orka notuð til eyðileggingar

Álvinnsla er ein mengaðasta hráefnisvinnsla í heimi, af því að byrjunin er ekki okkur sýnileg tökum við fullan þátt í viðbjóðnum þó að við vitum flest að við súrálvinnslu skapast hroðaleg mengun. Súrálið steypist eins og rautt hraun svo langt sem augað eigir frá námunum sjálfum, ár og vötn eru svo menguð að ekki má baða sig í þeim, drykkjarvatn mengað og skilur fólkið eftir sjúkt og örvinglað, ef við teljum erfitt að koma okkar málum til skila og fá athygli, þá hefur þetta fólk ekki nokkurn sjens, öllum er sama um þeirra örlög.  

Ekki skiptir það okkur máli, við erum að vinna með hreina orku og þar af leiðandi hreina samvisku, við erum eyland, restin af heiminum snertir okkur ekki.  

Íslendingar eru að selja sálu sína fyrir ímyndunarpeninga, því aðra peninga virðumst við ekki þekkja. Allir vita útkomu álvera fyrir Íslenskan efnahag, allt í mínus.  Þrátt fyrir þessa vitneskju er Samfylkingin með Össur í broddi fylkingar að kynna Helguvíkurálver sem atvinnulausn fyrir Ísland. Þetta er algjörlega óábyrgt og stefnir landinu í algjört óefni og mun verða okkur mun skaðvænlegra í framtíðinni en bankahrunið er í dag.

RIO TINTO eitt illræmasta mannréttindabrota- og mengunarfyrirtæki heims er að íhuga kaup á hlut OR í Hitaveitu Suðurnesja. RIO TINTO hefur yfirburði í reynsluheimi spillingar og valdnýðslu, við erum algjörir viðvaningar og lítið mál að vefja okkur upp í þeim málum. Ekki gefa það færi.

Mínar hugleiðingar:  Um leið og við seljum slíkum fyrirtækjum hlut í orkubúum Íslands er sjálfstæði landsins farið fyrir fullt og allt, hvað svo sem eftir er af því. Líkur eru á að nú þegar hafi samningar um þessa sölu verið teknir, því Helguvíkurmálið er því beintengt.  Allar líkur benda til þess að RIO TINTO muni fjármagna Helguvíkurframkvæmdirnar og/eða stækkun Straumsvíkur, og fái þar á móti hlut í HS á góðu verði og geti þar eftir haft mikil áhrif á orkuverð í landinu. Álverð er fallandi um heim allan og verður að endurskipuleggja alla framleiðslu, Ísland er sérlega gjafmilt á orku, hvergi ódýrari, og því tilvalið að focusa á Ísland sem álvinnsluland.  Við eigum völ á Gráa eða Græna framtíð, hvort viljum við?

Álver er skjótvirkasta blekkingin sem hægt er að bera á borð fyrir Íslendinga sem lausn atvinnumála, almenningur trúir að þarna komi atvinnutækifæri sem bjargi þjóðinni, þó svo að Álver stangist gjörsamlega á við framtíðarsýn og sjálfstæði landsmanna.

Ferðamálageirinn, Græn orka og Græn atvinnutækifæri eru mun gjöfulli arðsemi til landsins.

HEIMSKA og viðvaningsháttur stjórna nú aðgerðum.

Það er svo margt í deiglunni, svo ótal margt skemmtilegt, framsækið og flott fyrir stolt og sjálfstæði þessarar þjóðar, ekki láta undan Álþrýstingi á móti alþjóðlegri stefnu í mengunarmálum og gegn fjárhagslegu sjálfstæði þjóðarinnar.

 

 

Jörðin hlýnar hratt

Athugasemdir

[Helgi Heiðar Steinarsson (IP-tala skráð) 13.3.2009 kl. 11:11]

Ég hef heyrt að lítið skili sér frá álverunum til þjóðarframleiðslu. Væri því ekki frekar málið að gera Ísland frítt af olíu með því að framleiða vetni, gera það aftur að forsíðubarni hreina tímaritsins, efla túrismann, og efla framkvæmdir með lágu eldsneytisverði?

[Ólafur Ingólfsson, 13.3.2009 kl. 11:52]

Þakka góðan pistil, Gerður. Ég er sammála Ásgeiri um að dónaskapur eins og í færslum Arnar og Þórðar er ekki umræðunni til framdráttar. Þú getur þó huggað þig við það að þessi aðferð, að gera þig tortryggilega og snúa umræðunni uppá þig og þínar skoðanir, er merki um skort á rökvísi og þekkingu. Þeir hætta sér ekki út í umræðu um málefnin heldur standa á hliðarlínunni og æpa fúkyrði. Þeir eru sjálfum sér verstir með því að láta svona.

[Jón Kristófer Arnarson, 13.3.2009 kl. 20:54]

Fínn pistill.  En svona e þetta Gerður, það er óþokkabrögðum beitt í þessari stóriðjustefnu. 

[Gerður Pálma, 13.3.2009 kl. 21:39]

Varðandi athugasemdir frá þeim Erni og Þórði þá finnst mér áhugavert að sjá hvernig tjáskipti fólks geta sýnt líðan viðkomandi. Það er ekki mikil ró í beinum þessara ágætu manna.

[Rauða Ljónið, 13.3.2009 kl. 22:31]

Sæl. Gerður megin þáttur greinar þinar er rangur þú ferð ekki rétt og satt með staðreyndir, Skiptar skoðanir eru um álver með og á móti en það skal hafa að leiðarljósi er að afla sér upplýsinga og segja satt frá til að vera trúverðugur.

Kv. Sigurjón Vigfússon

[Einar Áskelsson (IP-tala skráð) 13.3.2009 kl. 23:12]

Sæl Gerður Pálma, ég  vil ég benda þér á að lesa færslur af þessu bloggi hér.http://throsturg.blog.is/blog/throsturg/ og halda áfram að fylgjast með færslunum þar. Þar eru fjallað um tölulegar staðreyndir varðandi álversiðnaðinn á Íslandi. Ég myndi reyna að taka þennan pistil hjá þér alvarlega ef þú sýndir fram á staðreyndir fyrir mörgum sterkum fullyrðingum hjá þér. Vil ekki gera lítið úr þínum skoðunum en pistillinn ber þess merki að þekking þín er afar takmörkuð á viðfangsefninu. Alveg burtséð frá því hvort reisa eigi fleiri eða færri álver á landinu. Sem ég er ekki endilega að mæla með.

[Gerður Pálma, 14.3.2009 kl. 18:36]

Takk fyrir athugasemdirnar, bæði Sigurjón og Einar.

Mér þætti mikið vænt m að fá athugasemdir beint á þau atriði sem ykkur sýnist ég ekki fara með rétt mál eða staðreyndir. Mér er hagur lands og þjóðar mikils virði og ef ég hef rangt fyrir mér verður miklum áhyggjum af mér létt. Eg mun skoða throsturg..og sjá hvað þar kemur fram. 

Arðsemisþátturinn er mjög áhugaverður í sjálfu sér, en endanlega er allur pakkinn sem heitir áliðnaður það sem málið um snýst, þar erum við órjúfanlegur þáttur, þó svo að við tökum enga ábyrgð þar.

[Thor (IP-tala skráð) 15.3.2009 kl. 12:15]

Það er með ólíkindum hvað fólk tekur það nærri sér þegar talað er um áliðnaðinn. Fólk virðist stundum vera mjög ílla upplýst hvernig vinnsluferlið með ál þ.e hvaðan kemur hráefnið sem ál er unnið úr. 

Það sem Gerður er að benda á má sjá nánar á þessari slóð sem er frá 2008 þar sem talað er um hvaða áhrif það hefur á umhverfið þegar verið er að ná í Súrálið sem er helsta vinnsluefni til að búa til álið eins og unnið er hér á Íslandi: http://www.youtube.com/watch?v=vJa2ftQwfNY&feature=PlayList&p=5D35CC2FE1B7F469&playnext=1&playnext_from=PL&index=35

Ég vill einnig beina þeim tilmælum til þeirra sem eru ílla upplýstir um þessi mál og koma með athugasemdir við skrif Gerðar án þess að færa fram málefnaleg rök fyrir sínu máli að halda sig til hlés þar sem skrif ykkar eru svo lágkúruleg og sýna svart á hvítu hversu ílla upplýstir þeir eru um þetta málefni.

Umræða á comment kerfinu á að vera málefnaleg og það er alltaf gott að koma með gagnrýni svo lengi sem hún er málefnaleg og svaraverð. Það hafa allir sína skoðun á þessu málefni og er hið besta mál, en að vera með skítkast lítillækkar viðkomanda mun meira en höfund greinarinnar sem er að benda á þessa hluti út frá sínum sjónarmiðum og þekkingu.

Góðar stundir.

Thor