Álver á Íslandi eins og varta á vanga fagurrar konu

Óttarstaða eigendur, þið eruð, að mínu mati,  í bestu höndum sem hugsast getur til þess að takast á við yfirvöld um ykkar rétt. Með því að halda þessu máli til streitu munuð þið koma landsmönnum öllum vonandi til þess að vakna upp frá þessari ÁLmartröð.  Það er með ólíkindum að eftir allt sem um álver, mengun og misgjörðir í kringum sama iðnað að fullorðið ábyrgt fólk skuli styðja þennan iðnað. Að ekki megi leyfa íbúðabyggingar í nánd við álver ætti að vera nógu skýr skilaboð.

Hvernig dettur okkur í hug, og hvernig leyfa yfirvöld því að viðgangast að eyðileggja strandlengjuna milli Reykjavíkur og Keflavíkur með þessu drullumalli það er eins og að leyfa Álver á frönsku rivieruna. 

Nú eru íslensku gullkisturnar tómar, blöðrurnar sprungnar og bankamenn og ríkisstjórnin algjörlega steinhissa, þetta hafði þeim nú aldri dottið í hug - sem er hrein vanvirðing við almenning að halda fram, því það sýnir þvílíka óráðsíu og vanhæfni að ekki má til þess hugsa að slíkur mannskapur haldi utan um æðakerfi þjóðarinnar. Þessu sama vanhæfa fólki ætlum við að treysta til þess að halda utam um framtíðaráætlanir lands og lýðs, svo verðum við öll steinhissa þegar landið verður í sárum og ekkert eða lítið eftir af okkar unga kraftmikla fólki til krefjandi starfa.   Við þurfum að vera ein áhöfn á einu skipi ef við ætlum að komast út úr þessum vanda sem sjálfstæð þjóð við megum ekki gefa RIO TINTO skipstjóra embættið.

Í þeirri umræðu sem hefur verið um brotlendingu okkar í fjármálageiranum hef ég ekki séð eðlilega umfjöllun um hlut Kárahnjúkavirkjunar í þeim málum.  Hvað erum við að fá inn í hreinar tekjur

Við erum fámenn þjóð, og eigum að teljast menntuð þjóð, Andri Snær hóf rannsóknir á hvaða  röskun álverin hafa á Íslenskt efnahagslíf og íslenska náttúru, hann hefur gefið út heila bók, skrifað óteljandi greinar og lagt málið á borð fyrir okkur.  Höfum við tapað glórunni líka, af hverju kynnum við okkur ekki málið á hlutlausan hátt, leggjum upp plúsa og mínusa og tökum síðan ákvörðum um hver konar þjóð við viljum vera.

KEMUR OKKUR ÞAÐ VIÐ - Lítils háttar mengun? Hvernig væri að skoða heildarmyndina, viljum við einungis að skoða mengunina sem verður í okkar nánasta umhverfi, kemur okkur við svöðusárin og stórhættulegar vinnsluaðverðir í þeim löndum sem súrálið fæst frá, kemur okkur það við?  Þetta er eins og við hefðum í krafti orkunnar brætt gull fyrir þjóðverja í seinni heimsstyrjöldinni, hvað kæmi okkur við hvaðan gullið kom.  Svo verðum við algjörlega hissa. 

Hættum að verða hissa, undirbúum og hugsum um hvað við viljum vera, hvað er okkur samboðið, hvernig viljum við vaxa þannig að við njótum virðingar vaxandi kynslóð og þá um leið samvinnu við aðrar þjóðir sem við viljum vera samferða. 

Í mál við Alcan, ríkið og Hafnarfjarðarbæ

Athugasemdir

[Palli (IP-tala skráð) 21.10.2008 kl. 20:31]

Það breytir engu þó að litla Ísland rísi upp í kreppunni og lýsi yfir einskonar herör gagnvart álverum. Það er fallegt að hafa hugsjón um betri heim. Það er allt í lagi að láta sig dreyma.
Það er einfaldlega MJÖG augljóst að Ísland hefur ekki efni á því að henda álverum út, sérstaklega miðað við núverandi og komandi ástand.

Mótmælin gegn álverum virkuðu ekki þegar við höfðum það gott og þörfin fyrir iðnaði var ekki jafn áþreifanlegur og hún er í dag. Við munum ekki hafa það jafn gott næsta áratuginn og því þörfin fyrir iðnað þar af leiðandi mun ríkari.

Núna er málið að vera raunsær. Það eru allar líkur á því að VG komist til valda í næstu kosningum og þá geta þeir breytt löggjöf um umhverfisvarnir í iðnaði ef þeir sjá þörf á því. Ég stórefa að D og S sjái það sem einhvað forgangsmál að þrengja að starfsumhverfi álvera þegar forgangur þeirra er augljóslega að tryggja að almenningur hafi störf til þess að borga lánin sín.

Þó svo að þessi pistill þinn sé voða sannfærandi og skrifaður af eldmóði þá mun hann engu skila... Umhverfisvernd er ekki efst á baugi íslenskrar alþýðu og væri nær að fjalla um hana þegar lægja tekur í íslenskum efnahag.

[Gerður Pálma, 22.10.2008 kl. 19:14]

Það er þörf fyrir iðnaði, það er öllum ljóst, en við verðum að skapa iðnað sem hentar landi og þjóð.  Það er engin lausn að henda þeim álverum sem þegar eru í landinu út, heldur hugsanlega að skoða til dæmis hvað við getum framleitt úr áli til útflutnings, okkar eigin hönnun, eða erlenda hönnun, sem hittir á hærri hillur markaðarins.  Við eigum hins vegar ekki að auka við þann iðnað, allir verða að lifa við sína bæklun, álverin eru sjálfvalin bæklun á okkar landi.  Indverjar hafa haldið velli af því að kýr voru gerða heilagar í þeirra trúarbrögðum, annars hefðu þeir étið þær allar.. við megum ekki éta upp grunninn sem við getum skapað ótrúlegustu atvinnutækifæri sem skaffa öllum landsmönnum ærlegar tekjur.  Hvað? Það er langur listi og ég þekki það ekki allt án þess að vinna aðeins í því, en það kemur - loforð.  Við eigum stórfæra lækna, heilsustöðvar í alls kyns myndum er mjög áhugavert Fegrunaraðgerðir, okkar læknar eru snillingar.

Ég geri mér algjörlega grein fyrir að umhverfisverndun er ekki efst í huga núna..þar liggur einmitt hættan, því nú er sóknartími fyrir álverja og enginn hefur þrek til að mótmæla.  Önnur tækifæri,  trúðu mér, þau eru ótal mörg og frábær en hafa ekki fengið athygli eða samvinnu við þá aðila sem stjórna atvinnumálum á landinu því þeir sjá ekki tækifærin ef viðkomandi leggur ekki inn milljónir með þeim, og eða þeir sjái milljónir á borðinu á morgun.  Flestar sjálfviljugar hórur fara í þá vinnu vegna þess að þær þéna mjög mikið, en þær hafa val.  RIO TINTO myndi fjármagna framtíðar álverin, og þeir ríkari verða ríkari, hinir vinna (þræla), hvað verður um þjóðina?  Við þurfum þetta ekki.  Hinkraðu við með að gefa álverum þinn stuðning þar til heildardæmið liggur fyrir, það er fullt af draugum í þeim útreikningum.  Álver getur ekki verið heiðarleg lausn eftir íhugaða skoðun á dæminu. Náttúra Íslands ein og sér er algjört ævintýri, við eigum að gera út á ævintýri. Harry Potter var BARA BÓK OG KVIKMYNDIR...Ísland er raunverulegt.  Engan hórdóm fyrir Ísland.

[Anna Bjarnadóttir (IP-tala skráð) 23.10.2008 kl. 19:37]

Sæl kæra Gerður.

Var að sjá þig á netsíðunni hjá henni Sigrúnu J'onsd.  Mikið var gaman að finna þig og núna verð ég oft að kikja inn á síðuna þína.

J'a það eru mörg sóknarfærin hér á landi, það er bara spurning um að setja í gang og auka það sem er gert, efla landbúnaðinn okkar allann gera fjölbreyttara vöru úrval t.d.

Hafðu það sem best Gerður mín, kveðja til allra þinna.

Kveðja af Skaganum